المكونات الأساسيه :.
(1) حمض السفونيك وطبعا كلنا عارفين انه نوعين نوع منه غامق ودا بيعمل نوع من التغبيش فى لون الصابون او بيخليه مش باين نقى خالص واولا مش بيدوبو كلهم علشان هو بيتغش النوع التانى الشفاف وهو دا اللى هنستخدمه علشان دا بيور اوى ولأنه بيكفى اكتر من الغمق مثلا لو استخدمنا لكل 100 لتر 8ك غامق نستخدم 6 ك من الشفاف
ودا هنجيبه من
1- المصنع بتاع جمصه والجمادانه ال63 ك تقريبا ب 470 ج يعنى الكيلو بيقف ب 7.5 تقريبا ودا بيوفر كتير
2-من شارع الجيش تقريبا عند محمد عبد الرحمن يقال انه هو احسن حد ومش بيغش الخامات ماشى
3-من شركه الزهور فى دار السلام من المترو وتركب من شارع ابو طالب الى مواصله فايده كامل وتقوله انزل شركه الزهور ماشى وهتلاقى هناك كل حاجه من المنظفات موجوده جمله وقطاعى
4- لو انته من المنصوره ودى بلدى تجيبها من عطارة النقيطى اللى فى الشيخ حسانين تمام او عند عطارة ابراهيم سليم اللى هيا فى اخر شارع الجلاء قبل بوابه تربيه بتاع جامعة المنصوره تمام وهو هيعطى هالك ب 525 ودا تقريبا يعنى مش كتير علشان انته لو رحت جمصه هتروح بعربيه ب 60 ج على الاقل فخليك فى القريب .
وبالنسبه للناس اللى لسه هاتبتدى اول مره او مش هتعمل كتير ومش محتاجه تكلف بتجيب من شارع الجيش اللى فى العتبه الكيلو ب 9 جنيه الشفاف وب 10 ج فى المنصوره
(2) الصودا او البطاس ودا منه نوعين (NaOH—or—KOH) وطبعا نستخدم KOH.
واحسن حاجه بتاع شركه النصر اللى هيا تبع الجيش والكيلو بيقف تقريبا ب 4.5 ودى من شارع الجيش او شركه الزهور برده او من المنصوره زى ماتفقنا ماشى ولو هاتجيب قطاعى هتجيب من شارع الجيش ب 5 جنيه الكيلو او من المنصوره ب 6 جنيه الكيلو لان اللى عنده النظيفه.
المكونات التجميليه
(3) التكسابون او n90 ودا الجمادانه منه ب فلوس كتير اوى فبنجيب منه كام كيلو احسن وفى منه نوعين نوع هتلاقيه ماء لزج ابيض شفاف جدا شكله بيور اوى وهو ده اللألمانى وفى الصينى بتاعه بيقى اقل نقاوه ومش نقى المهم هتجيب الألمانى ب 17 الكيلو من شارع الجيش او التانى من شركه الزهور ب 16 وطبعا المنصوره بتجيب النظيف ب 17 ماشى .
(4) الكمبرلان او kd ودى مادى هتلاقيها سائل تقيل جدا مايل للون البنى والأصفر شويه ودا بنجيبه لو هنعمل شغل نظيف جدا او بنستغنى عنه لو الزباين على ادها ودا الكيلو منه ب 22 ج ومش بنستخدم منه كمات كبيره تمام .
(5) التايلوز ودى ماده باودر هتلاقيها زى الدقيق الفاخر ابيض جدا وفيها نوعين برده المانى ودا ابيض جدا والتنى صينى وهتلاقيه اقل منه نقاوه برده المهم هتجيبه برده من شارع الجيش او الزهور او المنصوره ودا الكيلو منه ب 62.5 فى شارع الجيش او ب 55 فى الزهور اللى هو الصينى تقريبا او ب 65 فى المنصوره وممكن ينزله ل 63 ج . ودى برده مش بنحتاج مها كتير تقريبا اكتر من تمن كيلو وشويه لكل 100 لتر .
(6) البولى اكريماليد ودى الماده اللى بتعمل عرق للصابون زى ما بنعرف ان العسل الابيض مغشوش ولا لا ب العرق اللى بيفضل زى الشعره ودا بيميز الصابون النظيف اوى ودا بنستخدم من كميه صغيره جدا زى 40 جرام او 50 بس اوعى تكتر صحيح المعدل بتاعه 50 جرام لل 70 لتر بس احنا بنعمله فىالصابون وليس فى المياء علشان بيعمل مشاكل مع التايلوز وهنقول على المشكله دى برده ماشى.
(7) الخل الطبيعى بتاعنا من اى ععطار او من اى سوبر ماركت ماشى .
( الفورمالدهيد او الفورمالين ودا بنجيبه من حاجتبن اولهم من شارع الجيش او تقدر تصرفه من اى مستشفى او من المحلات اللى بتاع البيطرى اللى بتجهز الزارع بتاع الفراخ هتلاقيه هناك رخيص جدا احسن لك هاته منه علشلن توفر لانه فى شارع الجيش وشبعان تخفيف بالمياه وب 5 ج اللتر الواحد وتقريبا فى المزارع اللتر ولا بجنيه حتى ماشى اتفقنا.د
(9) اليوريا بتاع الارض العاديه اللى هى حبيبات دى وهتلاقيها فى الشكاره بتاع الوحده الكيلو ب 1.5 ومن بره ممكن فى الشكاره ب 2.5 او من شارع الجيش ب 5ج وياسعده ياهناه اللى عندهم ارض يلا خلى الفلاحين يفرحو ماشى واحنا ماتخافوش مش بنستخدم كتير دا كتبرها كيلو لكا 100 لتر ماشى.
(10) الملح الانجليزى وهو عند بتوع البيطرى برده الكيلى تقريا فى الشكاره ب 1.76 اما بره ف الكيلو ب 2.5 او 3 تمام حسب المكان بتاعك والنصابين اللى فيه هههه ماشى.
(11) اللون ودا بنستخدم فيه 3 انواع اللون الصفر ودا لو الناس طلبته منك بس ياريت تخليك على اللون بتاع بريل احسن بيظبط كل حاجه وبيعجب الزبون اوى ومش بيبين اى ترسيب ماشى واللون بتاع بريل بنوصله ب 2 ملعقه ازرق وربع ملعقه اخضر او بنحط 2 ملعقه ازرق ونبدأ نحط اخضر بميات صغيره جدا حتى نصل ل اللون المطلوب ودا بتجهزه بره ماشى .
(12) الريحه ودى بنعملها ليمون لان دا الاحسن وارخص للزبون وليك واحسن ريحه ممكن تجيبها زتستخدمها وتنصفك اوى ( كامينا ليمون ) ودى الكيلو تقريبا مها ب 40 جنيه او اقل وسيبك من النوع بتاع فريدل لأنه هيقف عليك ب خساره ومش هيديك الريحه اللى انته عايزها ماشى او بتشترى من كامينا ب ال 100 مل تعنى تقريبا من 5 ل 6 جنيه ماشى .
(13) ورق ال PH وده علشان نعادل بيه
(14) الزجاجات من شارع الجامع الاحمر فى العتبه جنب شارع الجيش عندك هناك كل حاجه عن الفوارغ بتاع بريل وكل الاشكال التانيه ماشى.
(15) ثلاثى فوسفات الصوديوم وبنستخدمه لإزاله عسر الماء وفى ناس بتنفض .
ندخل على اماكن وجود الحاجات دى
(1) الحمض والصودا والتايلوزوالتكسابون والكمبلان والبولى اكريماليد واللون والريحه من شارع الجيش او من الزهور او من المنصوره زى ماتفقنا فوق ماشى .بس الكمبرلان مش موجود فى المنصوره ماشى.
(2) اما الفورمالهيد من الجيش او من بتوع البيطرى اى صيدليه بيطريه
(3) اما الملح الإنجليزى فمن عند بتوع الدواجن برده وخلى بالك فين منه لونه اصفر مخلوط عليه كالسيوم علشان بيستخدموه للفراخ تمام فتجيب من اللى لونه ابيض شفاف زى السكر كده ماشى وبالمناسبه فى ملح فى شركه الجمهوريه وهو بيور اوى بس ب 14 الكيلو منه فمش هيجيب همه ماشى فنجيب من التانى وخصوصا اننا ممكن نحتاج ل من 2 ل 3كيلو
(4) طبعا اليوريا لو عندنا ارض هنجيبها من الزراعه ولو مفيش ارض هنجيب من الناس بتاع الحبوب والسماد ماشى الأحسن ولو هتجيبه من اى حد معرفه علشان النصابين فى شارع الجيش بيعبوه وبيبيعوه فى كوالى ب 5 جنيه .
(5) الخل من اى حد بتاع عطاره او سوبر ماركت بس من العطاره علشان ب الكيلو ب 1.5 تقريبا اما فى الزجاجات فمتخفف بالميه وب 2.5 او 3 ج.
(6) ورق الPH وده بنجيبه من ش الجيش او من شركه الزهور او من المنصوره من النقيطى بس فى واحد عند المعهد الفنى الصحى الل هو فى شارع جيهان بيبيع الدفتر اللى هو 100 ورقه ب 15 جنيه اما كل الباقى دول بيبيع الدفتر ال 20 ب سبعه جنيه ماشى ودى حلاوة المنصوره واسمه هشام ميديكال .
(7) الزجاجات وزى ماقلنا فى شارع الجامع الاحمر تمام.
وكده ندخل على فايدة كل ماده منهم
(1) الحمض والصودا وهو السلفونيك وطبعا عارفين انه وهو والصودا لما يتعادلو بعملو الصابون وطبعا هما اللى بينظفو تمام وخصوصا الحمض ولانه بعمل كميه رغوه جامده تمام
(2) التكسابون وهو ماده مرغيه او من الآخر هيا الأهل فى زيادة الرغوه ماشى وبرده بتنقى السائل تماما وبتخيه نقى من الشوائب بتاع الحمض والصودا ماشى.
(3) الكمبرلان ودى زى مابيقولو معززه للرغوه يعنى بتضاعف كميتها على طول فتقدر تناسب بينها وبين التكسابون وخصوصا اها بتخلى الصابون تقيل جدا فى كثافته والقوام
(4) الفورمالدهيد كلنا عارفين انه ماده حافظه علشان لو الصابوف فضل عندك او عند الزبون فتره طويله مش يعمل سمعه وحشه ليك ماشى.
(5) التايلوز وهو ماده مثقله للقوام لكنها غاليه فلذلك بنستخدم كميه كويسه مش كتيره منه وبنكمل لزوجه ب الملح الانجليزى .
(6) البولى اكريماليد ودى الماده اللى بتعمل عرق للصابون ولكن بشرط نبعدها عن التايلوز لأنها بتكون معاه مركبات تانيه وبتلغى عمل الاتنين وبيتفصلو عن الصابون وبنستخدم كميه قليله منه زى 50 جرام لكل 100 لتر صابون ولو عايز تقلل الكميه يبقى احسن الى 40 جرام.
(7) الملح الانجليزى وهو البديل للملح العدى بتاعنا اللى هو بيستخدم فى اللزوجه والتتقيل للصابون وبنستخدم منه كميه من 2 الى 3 كيلو ملح وبحطهم على فترات لحد التقل المطلوب وعشان الملح العادى بيعمل تغبيش جامد للصابون ومش بيدوب فيه بكميات كبيره فبنستخدم الملح الانجليزى بيديل له وهو احسن فى التثقيل للصابون وعلى فكره الملح الانجليزى هو (magnesium sulphate ) او سلفات ماغنسيوم عند الراجل هتقوله كده ماشى.
( الخل وهو بيعطى للرغوه لمعان كبير
(9) اليوريا ودى بنستخدمها فى الآخر علشان بنشيل بيها اى تغبيش فى الصابون وبنستخدم من نصف الى كيلو حسب الرغبه فى روقان الصابون وبنحطها بعد اللون وقبل الريحه وهى بتدوب عادى فى الصابون نفسه مش فى مياه بره.
(10) طبعا لسه اللون والريحه ودول عارفين هما ليه واللون انا قلت طريقته فى الاول خلاص كده صح.
(11) ورق ال PH وده بنعادل بيه الحمض بالصودا الى ان يصل ل 6 وليس 7.
(12) ثلاثى فوسفات الصوديوم وبنستخدمه ل إزاله عسر الماء.
النسب المطلوبه لكل 100 لتر صابون
1. 6كيلو حمض سلفونيك شفاف ولو عايز تزود جوده اوى يبقى سبعه كيلو .
2. الصودا ودى بنعادل بيها الحمض ووطبعا معانا ورق ال PH وطبعا وبتبقى النسبه تقريبا لكل كيلو حمض 170 جرام صوردا.
3. الفورمالد هيد ودا بنستخدم منه 250 مل لكل 100 لتر صابون .
4. ثلاثى فوسفات الصوديوم وبنستخددم مثلا تمن كيلو منه. او نطنشه اصلا.
5. التايلوز وبنستخدم منه 150 جرام وبنكمل تتقيل بالملح الانجليزى .
6. البولى اكريماليد وبنستخدم منه من 40 ل 50 جرام منه .
7. التكسابون وبنستخدم منه نصف كيلو على ال100 لتر صابون .
8. الكمبرلان وبنستخدم منه ربع كيلو ولو مش موجود مش مهم بس وجوده افضل لجوده الصابون اوى فى التقل والرغوه والربع كيلو ب 5 جنيه بس .
9. اليوريا ونستخدم منها من نصف ل كيلو حسب الرغبه بتضيفهم ربع كيلو بريع كيلو ماشى .
10. الخل وبنستخدم منه نصف لتر ل 100 صابون .
11. الملح الانجليزى وده بنستخدم زى ماقلنا من 2 ل 3 كيلو منه على ال100 كيلو تمام .
12. اللون ودا بنستخدم تقريبا حسب الرغبه فى تقل اللون ونصيحه ليك تقل اللون احسن علشان الناس بتاخد منه على اساس انه تقيل ب اللون بتاعه ماشى.
13. الريحه ودى بنسخدم من 50 ل 75 مل حسب الرغبه .
التجهيزان المراد تجهيزها برده
1. نجهز الحمض السته او السبعه كيلو لواحدهم .
2. نجهز الصودا اللى قلنا على الكميه اللى اتفقنا عليها.
3. نجهز التكسابون ونضيف عليه 100 جرام ملح وعند اضافته للصابون نضيف كوب ماء ونقلب بسرعه ونضيفه للصابون .
4. نجهز الكمبرلان فى لتر ماء ونقلبه كويس عند اضافته.
5. نجهز اليوريا نصف كيلو وربع وربع كل واحد لواحده.
6. نجهز الملح كل كيلو وكيلو ونصف ونربع وربع كل واحد لواحده.
7. نجهز اللون فى لتر ماء ونقلبه كويس وعارفين انه هنضيف اللون الازرق الاول ثم الاخضر رب ب ربع لما نصل للون المطلوب .
8. نجهز الريحه فى نصف لتر ونقلبه كويس وعند الاضافه نقلب كويس ونضيفه.
طريقة التحضير
طبعا احنا هانتكلم على اساس فى عندك ماتور تقليب ماشى اللى ان شاء الله هاقولكم على فكرته وصوره وهى سهله جد ومش مكلفه.
1. نجهز برميل 120 لتر ونملاه ل 100 لتر ونعلم عليهم بعلامه علشن نبقى نكمل للعلامه دى ونكب منه 20 لتر .
2. يبقى عندنا 80 لتر ماء تمامنضيف ليهم ثلاثى فوسفات الصوديوم ونقلب لمده 5 دقايق .
3. نضيف التايلوز تدريجيا حيه حيه ونقلب كويس لمده ربع ساعه او ثلث ساعه .
4. نضيف الحمض تدريجيا ونقلب لمده 5 دقايق .
5. نضيف الصودا واحانا اتفقنا على الكميه لحد ما نقيس ال PH ولازم يكون (6) مش (7) تملم علشن سته يعى الوسط حامضى علشان الوسط الحمضى بيقتل اى بكتريا بتتكون او طفيليان من الآخر علشان يقتل اى عفن مهما طالت المده ولنظافه تكون كويسه وعند الوصول للمعادله نقلب لمده 10 دقايق علشان التفاعل يتم .
6. نضيف التكسابون ونقلب كويس لمده 7 دقايق لحد ما اللون بتاع الصابون الابيض يروق خالص .
7. نضيف الكمبرلان ونقلب كويس وطبعا زى ماتفقنا ان الميه هتتضاف له لتر ماء ونقلب كويس لحد ما يبقى خفيف فى التقليب ونضيفه للصابون ونقلب لمده 5 دقايق .
8. نضيف الخل ونقلب لمده 3 دقايق .
9. نضيف البولى اكريماليد اللى اتفقنا على كميته ونقلب لمده 3 دقايق ونفتح على الصابون ونكشفه ونتركه مكشوف لمده ربع ساعه .
10. بعد كده نضيف كيلو ملح ونقلب كويس ثم نضيف اللون بتعنا وطبعا هايبقى التقل مش زى ماحنا عايزمين هنقلب اللون كويس الاول ونشوف درجته لحد ما يكون دى ادرجه اللى احنا عايزينها .
11. نبدأ نضيف الملح نصف بنصف ثم ربع ربع لحد مانوصل للتقل اللى احنا عاوزينه ولما نوصل له يبقى اشقطه كده خلصنا لسه حاجه سهله بس
12. طبعا هنشوف اللون حصله تغبيش يعنى من نفى خالص ومتعكر وفى حاجات شكلها مش دايبه نبدأ نضيف نصف كيلو يوريا (حبيبات بتاع المعمل اللى احنا اشتغلنا عليها وهيا بتدوب فى الصابون عادى ) وبعدين نقلب لمده 5 دقايق ونشوف النقاوه زى ماحنا عاوزين ولا لا ولو لسه نضيف له ربع كيلو ونقلب 3 دقايق ونشوف النقاوه وبرده ممكن تزود ربع لو مش عاجباك لحد مانحنصل على الابون النقى جدا زى البريل وحاول انه مش يكون نقى جدا لدرجه عليه علشان هاتلاقيه بقى شكله زى الخفيف فممكن الناس تقول ده خفيف فتتطر تضيف لون علشان تتقله المهم كده الصابون بتاعنا خلص معادشى حاجه غير الريحه.
13. اخيرا الريحه ودى بنجهزها بره فى نصف لتر زى ماتفقنا وبضيفها بعد مانسيب الصابون مثلا 10 ساعات فى الهواء لحد مايبرد ويتقل اكتر من كده وبعدين نضيف الريحه نقلبها كويس قبل ما نضيفها وينصح بإضافتها قبل التعبئه مباشره .
وهنيالك على الصابون العسل ياجميل
طبعا ان شاء الله هنلاقى الصابون ده زى البريل بالظبط برنا يوفقنا واياكم الى مايحبه ويرضاه ومع وعد مع تكمله عمل باقى المنظفات كلها من الكلور والفنيك والشامبو والديتول والشاور جل وخلطات لتطويل الشغر وتغذيته و الداونى معطر الملابس وربنا يسهل جربو الصابون بس وادعولى بالله عليكم ان ربنا يوسعها على باخير والعلم وبجد الصابو لازم يكون اول حاجه نتعلمها علشان هو الى هيعرفك كل الشركات بتاع المواد الكيميائيه وكل العملاء وفين املكن البيع وطبعا الناس كلها بتستخدمه فمجرد انهم يجربو منك هيثقوا فيك ان شاء الله و ياخدو اى حاجه تانيه انته تقولهم عليها تمام
ملطوش
