شوفوا
لما الاعلام المرئى و المقروء و المسموع يقول كده عارفين ده معناه ايه ؟
تعالوا نتكلم شوية عن ( الدين )
تفتكروا كان يجرى ايه لو كان الدين وقف عند ( الشهادة و الصلاة و الزكاة و الصيام و الحج لمن استطاع اليه سبيلا ) و اى حاجة غير كده تترك للناس يعملوا لها القوانين اللى تتفق مع طبيعتهم و عصرهم و نوعية المشكلات اللى ممكن تقابلهم ؟
يا ترى حد فيكم سأل نفسه قبل كده ليه النبى عليه الصلاة و السلام كان بيعلمنا نقول ايه لما نيجى ناكل و نقول ايه بعد الاكل و نقول ايه قبل النوم و نقول ايه لما نصحى من النوم و نقول ايه و احنا مسافرين و نقول ايه لما حد يعطس و نقول ايه وقت قضاء الحاجة و نبارك للمولود ازاى و نعزى المتوفى له ازاى و نقول ايه فى زيارة المريض و ليه وصانا على الجار و ليه وصانا نشيل الاذى من الطريق و نقول ايه لما المطر ينزل و نقول ايه لما نشوف حد مريض و نقول ايه لما نكون محتارين فى مشكلة و غير كده و كده كتير اوى و ده معناه بكل بساطة ان الدين بيحط اطار للحياة و ان المطلوب من كل واحد ان يحاول قدر الامكان الدخول جوا الاطار ده .. تمام كده ولا انا بخرّف ؟
يا ترى حد فيكم سأل نفسه قبل كده ليه القرآن حدد مواعيد الدخول على الآباء

يَآأَيُّهَا الَّذِينَ آمَنُوا لِيَسۡتَأۡذِنكُمُ الَّذِينَ مَلَكَتۡ أَيۡمَانُكُمۡ وَالَّذِينَ لَمۡ يَبۡلُغُوا الۡحُلُمَ مِنكُمۡ ثَلَاثَ مَرَّاتٍ مِن قَبۡلِ صَلَاةِ الۡفَجۡرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعۡدِ صَلَاةِ الۡعِشَاء ثَلَاثُ عَوۡرَاتٍ لَّكُمۡ لَيۡسَ عَلَيۡكُمۡ وَلَا عَلَيۡهِمۡ جُنَاحٌ بَعۡدَهُنَّ طَوَّافُونَ عَلَيۡكُم بَعۡضُكُمۡ عَلَىٰ بَعۡضٍ كَذَٰلِكَ يُبَيِّنُ اللَّهُ لَكُمُ الۡآيَاتِ وَاللَّهُ عَلِيمٌ حَكِيمٌ .. النور 58

و شفتوا دى كمان

يَٰٓأَيُّهَا ٱلَّذِينَ ءَامَنُوا۟ لَا تَدْخُلُوا۟ بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا۟ وَتُسَلِّمُوا۟ عَلَىٰٓ أَهْلِهَا ۚ ذَٰلِكُمْ خَيْرٌۭ لَّكُمْ لَعَلَّكُمْ تَذَكَّرُونَ ..27.. فَإِن لَّمْ تَجِدُوا۟ فِيهَآ أَحَدًۭا فَلَا تَدْخُلُوهَا حَتَّىٰ يُؤْذَنَ لَكُمْ ۖ وَإِن قِيلَ لَكُمُ ٱرْجِعُوا۟ فَٱرْجِعُوا۟ ۖ هُوَ أَزْكَىٰ لَكُمْ ۚ وَٱللَّهُ بِمَا تَعْمَلُونَ عَلِيمٌۭ .. 28 .. النور ..

ده غير الآيات اللى بتتكلم عن الرضاعة و عدة الزوجة و كتابة الدين ( جمع ديون ) و الربا و الغش فى الميزان و السرقة و كلها امور حياتية زى مانتوا شايفين و ده و غيره كتير اوى دليل على ان الدين لا يمكن فصله ابدا عن الحياة

طيب حد فيكم سأل نفسه ليه الليبراليين و العلمانيين ما اعترضوش وقتها ان سيدنا يوسف يكون على خزائن الأرض مع انه كان لسه طالع من السجن و معندوش خبرة ادارية و سياسية لإدارة البلد فى وقت كانت البلد بتتعرض فيه لأزمة شديدة و جفاف

تيجوا نشوفوا دلوئت يعنى ايه سياسة ؟

من لسان العرب :
وسَاس الأَمرَ سِياسةً: قام به، ورجل ساسٌ من قوم ساسة وسُوَّاس؛ أَنشد ثعلب: سادَة قادة لكل جَمِيعٍ، ساسَة للرجال يومَ القِتالِ وسَوَّسَه القومُ: جَعَلوه يَسُوسُهم.
ويقال: سُوِّسَ فلانٌ أَمرَ بني فلان أَي كُلِّف سِياستهم. الجوهري: سُسْتُ الرعية سِياسَة.
وسُوِّسَ الرجلُ أُمور الناس، على ما لم يُسَمَّ فاعله، إِذا مُلِّكَ أَمرَهم؛ ويروى قول الحطيئة: لقد سُوِّسْت أَمرَ بَنِيك، حتى تركتهُم أَدقَّ من الطَّحِين وقال الفراء: سُوِّسْت خطأٌ.
وفلان مُجَرَّبٌ قد ساسَ وسِيسَ عليه أَي أَمَرَ وأُمِرَ عليه.
وفي الحديث: كان بنو إِسرائيل يَسُوسُهم أَنبياهم أَي تتولى أُمورَهم كما يفعل الأُمَراء والوُلاة بالرَّعِيَّة.
والسِّياسةُ القيامُ على الشيء بما يُصْلِحه.
والسياسةُ فعل السائس. يقال: هو يَسُوسُ الدوابَّ إِذا قام عليها وراضَها، والوالي يَسُوسُ رَعِيَّتَه. أَبو زيد: سَوَّسَ فلانٌ لفلان أَمراً فركبه كما يقول سَوَّلَ له وزَيَّنَ له.
وقال غيره: سَوَّسَ له أَمراً أَي رَوَّضَه وذلَّلَه.

حد متفق معايا ان السياسة جزء هام من الحياة بعد ما شوفنا المعانى دى ؟
طيب حد متفق معايا انه بما ان الدين ينظم الحياة ولا ينفصل عنها فإنه بالتالى لا ينبغى فصله عن السياسة ؟

طيب حد اخد باله ان ربنا سبحانه و تعالى علم سيدنا موسى ( السياسة ) من خلال وحيه سبحانه و تعالى لكليمه عليه السلام بكيفية مخاطبة فرعون .. طيب حد خد باله ان المواطنة و المساواة بين المواطنين دون تمييز بسبب جنس او لون ( اظن بئه دى سياسة و محدش يقول لى غير كده ) - حد خد باله اننا عندنا حاجة اسمها ( لافرق بين عربى و اعجمى الا بالتقوى )

نرجع تانى لقصة سيدنا يوسف .. حد خد باله ان القصة اغلبها سياسة ؟!! ازاى كان الزرع و ازاى ماحصدش كل الزرع و التوزيع على الناس كان ازاى ده غير موقف الملك مع زوجته و الشهود و الحكم بالسجن و بعد كده البحث عن الكفاءة ( لتفسير الحلم ) ... الخ

عرفتوا بئه لما الاعلام يقول مش عايزين ندخل الدين فى السياسة يبئ قصده ايه ؟ و عرفتوا ليه هو هو الاعلام مش عايز يقول ان اغلب اعلام دول اوروبا و انديتها عليها صليب و ان الفاتيكان دولة دينية و محدش قال انها ظلامية و ان اليهود دولة دينية و محدش قال انها ظلامية ولا الظلام تبع المسلمين بس يا جدعان ؟