عنوان الموضوع ده تقريبا عنوان متداول فى الغالب الاعم من وسائل الاعلام و لما حد يجرب يشوف قصد وسائل الاعلام دى على ارض الواقع ح يلائى ان الشعار ده المقصود به ( هيا بنا نتحد جميعا لاقصاء التيار الاسلامى )
و لو محدش مصدق ان ده فعلا قصدهم تعالوا نشوفوا الواقع بيقول ايه بحسب مطالب تلك الوسائل
الناس دى بتقول ( لا للاقصاء و نعم للتوافق الوطنى ) و ده معناه حسب كلامهم ان مرسى يعمل فريق رئاسى مايكونش فيه ولا واحد من حزب الحرية العدالة ولا التيار الاسلامى ( شايفين التوافق و عدم الاقصاء !!!!! ) و كمان يكون رئيس الوزراء من خارج التبار الاسلامى برضو ( سيدى يا سيدى على التوافق و عدم الاقصاء ) و كمان يكون اغلب الوزراء من خارج التيار الاسلامى و الكلام ده ينسحب على اى تعيينات الرئيس ح يفكر فيها ( ما شاء الله على عدم الاقصاء )
من الاخر كده الاعلام بيتكلم عن حوالى 37% من اعضاء مجلس الشعب و ح نقول ان الناس دى بتمثل برضو 37 % من الشعب و عايز المجموعة دى ( تكوش ) على مناصب نائب الرئيس الخمسة و رئيس الوزراء و اغلب الوزارات عشان يتحقق مبدأ ( عدم الاقصاء ) و الا تكون المجموعة اللى بتمثل 63 % من الشعب مجموعة مستبدة و عايزة ( تكوش ) على كل حاجة
و بنفس المنطق برضو الناس دى اتكلمت و مازالت بتتكلم عن الجمعية التأسيسية و المدهش انهم اجمعوا على الدفاع عن و المطالبة المستمرة بحقوق المرأة و الأقباط و مفيش ولا واحد منهم سمعناه بيتكلم عن حقوق المسلمين و ده بيخللينى اقول ما شاء الله على التوافق و عدم الاقصاء و ياريت اللى يشوف التوافق و عدم الاقصاء يبلغه سلامى و يديله بوسة من هنا و بوسة من هنا